Tveir hvolpar úr Ísrima ræktun mættu á Hundasýningu HRFÍ sem haldin var 27. - 28. september 2008 og fengu þeir báðir mjög góða dóma.
Foreldrar hvolpanna eru Töfra Hekla og Íslandssólar Grímur.
Ísrima Máni varð besti hvolpur tegundar (6-9 mánaða) og fékk Heiðursverðlaun. Hann varð einnig 3. besti hvolpur sýningar.
Ísrima Hugljúfur varð 3. besti rakkinn í hvolpaflokk (6-9 mánaða).


Ísrima Máni og Ísrima Hugljúfur

Nú eru allir hvolparnir seldir og búnir að fá mjög góð framtíðarheimili.

Nú er Ísrima Máni búinn að fá gott framtíðarheimili í Garðabæ svo Ísrima Moli er einn eftir. Vonandi finnur hann framtíðarheimili fljótlega.
Hér er mynd af Mola.

Nú eru hvolparnir orðnir 8 vikna og þrír þeirra farnir til nýrra eigenda. Þeir Máni og Moli eru enn óseldir og tilbúnir til afhendingar. Áhugasömum bent á að hafi samband sem fyrst í síma 899-2121 eða eggert@steinegg.is Hér er mynd af þeím Ísrima Mána og Ísrima Mola.

Nú eru hvolparnir alveg að verða 8 vikna. Þeir fóru til dýralæknis í gær í heilbrigðisskoðun, parvósprautun, ormahreinsun og örmerkingu. Dýralæknirinn talaði um þetta væru sérstaklega fínir hvolpar. Hér eru myndir af þeim Ísrima Mola og Ísrima Mána sem enn eru óseldir:

___

Nú eru hvolparnir 6 vikna og tveir þeirra eru nú seldir og eigendur þeirra hafa gefið þeim ný nöfn. Þetta eru þau Ísrima Klossi sem nú heitir Ísrima Hugljúfur og Ísrima Dúfa sem nú heitir Ísrima Freyja. Enn eru þau Ísrima Fluga, Ísrima Moli og Ísrima Máni að leita sér að framtíðarheimili. Áhugasamir hafi endilega samband í síma 899-2121 eða eggert@steinegg.is
Hér er mynd af þeim sem óseldir eru. Talið frá vinstri: Ísrima Fluga, Ísrima Máni og Ísrima Moli.

Nú eru hvolparnir fimm vikna og mjög gaman að fylgjast með þeim þroskast og dafna með hverjum deginum. Nýjum QuickTime video myndum af hvolpunum bætt við á Video síðu. Ef ykkur vantar QuickTime 7 spilara er hægt að nálgast henn frítt hér.

Hvolparnir eru núna 4 vikna gamlir og heldur betur farið að færast fjör í leikinn. Þeir eru farnir að hlaupa um allt og aðeins byrjaðir að borða hvolpamat með móðurmjólkinni.

Hvolparnir eru þriggja vikna í dag og hafa þroskast mjög hratt síðustu vikuna. Núna eru þeir aðeins að byrja að leika sér saman. Þeir hafa þyngst vel áfram og hafa nú allir meira en fimmfaldað fæðingarþyngd sína.

Hvolparnir eru nú tveggja vikna gamlir og hafa allir næstum fjórfaldað fæðingarþyngd sína. Þeir eru farnir að reyna að ganga og Dúfa varð fyrst til að opna augun í morgun og núna seinnipartinn opnaði Moli líka augun sín.

Hvolparnir dafna allir mjög vel. Þeir eru allir búnir að tvöfalda þyngd sína og vel það.
Hekla og Grímur standa sig mjög vel í foreldrahlutverkinu.

Nú eru hvolparnir orðnir 3 daga gamlir og hafa þeir allir þyngst mjög vel. Monika í Töfra-ræktun ráðlagði mér hvernig best væri að haga fóðrun Heklu og greinilegt er að þau ráð hafa virkað vel því Hekla hefur næga mjólk handa öllum.

Töfra Hekla og Íslandssólar Grímur eignuðust fimm fallega hvolpa í dag. Þrjá rakka og tvær tíkur.

Hundarnir okkar, Íslandssólar Grímur og Töfra Hekla eiga von á hvolpum seinnipartinn í janúar 2008.

________